മാവേലിക്കര: ബൈക്ക് മരത്തിലിടിച്ചുണ്ടായ അപകടത്തിൽ പരിക്കേറ്റ് ചികിത്സയിലിരുന്ന യുവാവ് മരിച്ചു. കണ്ണാട്ടുമോടി ശാന്തി ഭവനം മനേഷ് ബാബുവാണ് (സാബി -38) മരിച്ചത്. 18ന് രാത്രി പുതിയകാവ്-കല്ലുമല റോഡിലായിരുന്നു അപകടം. വണ്ടാനം മെഡിക്കൽ കോളജിൽ ചികിത്സയിലിരിക്കെ ചൊവ്വാഴ്ചയാണ് മരിച്ചത്. തട്ടാരമ്പലത്തിലെ സ്വകാര്യ ആശുപത്രിയിലെ ആംബുലൻസ് ഡ്രൈവറായി ജോലി ചെയ്യുകയായിരുന്നു. മാതാവ്: ശാന്തമ്മ ബാബു. സഹോദരൻ: സാജു.
