കൊച്ചി: എറണാകുളം പാലാത്തുരുത്തിലെ വാടകവീട്ടിൽ ഒരാളെ മരിച്ച നിലയിൽ കണ്ടെത്തി. കണ്ണൂർ സ്വദേശി വയലിൽ വീട്ടിൽ രാജീവ് വി. എബ്രഹാമിനെയാണ് മുറിയിൽ മരിച്ചനിലയിൽ കണ്ടെത്തിയത്. രണ്ട് ദിവസമായി ഇയാളെ മുറിയിൽനിന്ന് പുറത്തേക്ക് കാണാനില്ലായിരുന്നെന്ന് സമീപവാസികൾ പറഞ്ഞു. മുറിയിൽനിന്ന് ദുർഗന്ധം വമിച്ചതോടെ കെട്ടിട ഉടമയും മറ്റും പരിശോധന നടത്തിയപ്പോഴാണ് മുറിക്കുള്ളിൽ മരിച്ചനിലയിൽ കണ്ടത്. പാലാത്തുരുത്തിൽ ഓട്ടോറിക്ഷ ഡ്രൈവറാണ് രാജീവ്. കടവന്ത്ര പൊലീസ് സ്ഥലത്തെത്തി നടപടി സ്വീകരിച്ചു.
