പള്ളുരുത്തി: കാണാതായ വയോധികനെ ജി.സി.ഡി.എയുടെ മുണ്ടംവേലി അക്വാഫാമിൽ മരിച്ച നിലയിൽ കണ്ടെത്തി. സമീപവാസിയായ മുണ്ടംവേലി ചക്കാലക്കൽ വീട്ടിൽ കുഞ്ഞച്ചൻ എന്ന ജോസഫാണ് (60) മരിച്ചത്. 25ാം തീയതി മുതൽ ഇയാളെ കാണാതായതായി ബന്ധുക്കൾ പറഞ്ഞു. ശനിയാഴ്ച പ്രഭാത സവാരിക്കിറങ്ങിയവരാണ് മൃതദേഹം മീൻ വളർത്തു കേന്ദ്രത്തിൽ കിടക്കുന്നത് കണ്ടത്. പൊലീസ് എത്തി പരിശോധിച്ചപ്പോഴാണ് ആളെ തിരിച്ചറിഞ്ഞത്.
