ഗൂഡല്ലൂർ: ഊട്ടി ദൊഢബെഢ പർവതശിഖിരത്തിൽനിന്ന് ചാടിയ വിനോദസഞ്ചാരിയായ സ്ത്രീ മരിച്ചു. കോയമ്പത്തൂർ സ്വദേശി നല്ലതമ്പിയുടെ ഭാര്യ ലീലാവതി (62) ആണ് മരിച്ചത്. ഊട്ടി സന്ദർശിക്കാൻ കുടുംബത്തോടൊപ്പം എത്തിയ ഇവർ ദൊഢബെഢ പർവതശിഖരത്തിൽ എത്തിയിരുന്നു.
ദൃശ്യങ്ങൾ ആസ്വദിക്കാൻ ഒട്ടേറെ സഞ്ചാരികളും എത്തിയിരുന്നു. ഇതിനിടയിലാണ് ലീലാവതി പെട്ടെന്ന് താഴ്ചയിലേക്ക് ചാടിയത്. പാറയുടെ വിള്ളലിൽ കുടുങ്ങി സംഭവസ്ഥലത്തുതന്നെ മരിച്ചു. പൊലീസും ഫയർഫോഴ്സും സ്ഥലത്തെത്തി മൃതദേഹം പുറത്തെടുത്ത് പോസ്റ്റ്‌മോർട്ടത്തിനായി ആശുപത്രിയിലേക്ക് മാറ്റി. തേനാട്കമ്പൈ പൊലീസ് അന്വേഷിക്കുന്നു.
