ചങ്ങനാശ്ശേരി: കെ.എസ്.ആർ.ടി.സി ബസ് ബൈക്കിന് പിന്നിലിടിച്ച് തലക്ക് ഗുരുതര പരിക്കേറ്റ് മെഡിക്കൽ കോളജിൽ ചികിത്സയിൽ കഴിഞ്ഞിരുന്ന യുവാവ് മരിച്ചു. വെട്ടിത്തുരുത്ത് പടിഞ്ഞാറേപറമ്പിൽ പി.പി. സുകുമാരൻ-സുധർമ ദമ്പതികളുടെ മകൻ പി.എസ്. സുമേഷാണ് (36) മരിച്ചത്. ചങ്ങനാശ്ശേരി സുവി കളർ ലാബിലെ ഡിസൈനറായിരുന്നു. ശനിയാഴ്ച രാത്രി എം.സി റോഡിൽ എസ്.ബി കോളജിന് സമീപത്തെ വളവിലാണ് അപകടം ഉണ്ടായത്. സംസ്കാരം ചൊവ്വാഴ്ച 11ന് വീട്ടുവളപ്പിൽ. ഭാര്യ: അഞ്ജു സുമേഷ്. മകൻ: അനന്തപത്മനാഭൻ.
