മൂന്നുപേർക്ക് പരിക്ക്
വടക്കഞ്ചേരി: മുടപ്പല്ലൂർ കരിപ്പാലിക്ക് സമീപം ഓട്ടോറിക്ഷയും പിക്അപ് വാനും കൂട്ടിയിടിച്ച് വീട്ടമ്മ മരിച്ചു. മൂന്നുപേർക്ക് പരിക്കേറ്റു. പുതുക്കോട് പാട്ടോല പെരിങ്ങോട്ടു വീട്ടിൽ പാർവതി (57) ആണ് മരിച്ചത്. ഓട്ടോ യാത്രക്കാരും പാർവതിയുടെ ബന്ധുക്കളുമായ രാധ (68), സുമതി (42), ഓട്ടോ ഡ്രൈവർ വിഷ്ണുരാജ് (32) എന്നിവർക്കാണ് പരിക്ക്. പരിക്കേറ്റവർ നെന്മാറയിലെ സ്വകാര്യ ആശുപത്രിയിൽ ചികിത്സയിലാണ്.
വെള്ളിയാഴ്ച ഉച്ചക്ക് ഒന്നോടെ നെന്മാറ ഭാഗത്തേക്ക് പോവുകയായിരുന്ന വാൻ വടക്കഞ്ചേരി ഭാഗത്തേക്ക് വരുകയായിരുന്ന ഓട്ടോയിൽ ഇടിക്കുകയായിരുന്നു. പരിക്കേറ്റവരെ ഉടൻ നെന്മാറയിലെ സ്വകാര്യ ആശുപത്രിയിൽ എത്തിച്ചെങ്കിലും പാർവതി വൈകീട്ട് അഞ്ചോടെ മരിച്ചു. ആശുപത്രിയിൽ പോയി മടങ്ങുകയായിരുന്ന സംഘം സഞ്ചരിച്ച ഓട്ടോയാണ് അപകടത്തിൽപ്പെട്ടത്. കൃഷ്ണകുമാറാണ് മരിച്ച പാർവതിയുടെ ഭർത്താവ്. മകൾ: കൃപ. മരുമകൻ: മോഹൻദാസ്. സഹോദരങ്ങൾ: സരസ്വതി, ശാന്ത, ലീല, രാമചന്ദ്രൻ, രാധ.
