പത്തിരിപ്പാല: സംസ്ഥാന പാതയിൽ പതിനാലാംമൈലിന് സമീപം പെട്ടി ഓട്ടോ റിക്ഷയും ബൈക്കും കൂട്ടിയിടിച്ച് ബൈക്ക് യാത്രികനായ യുവാവ് മരിച്ചു. പുതുപ്പരിയാരം കാവിൽപാട് ഷൗക്കത്ത് - പ്യാരിജാൻ ദമ്പതികളുടെ മകൻ സുൽഫിക്കറലി (22) ആണ് മരിച്ചത്. വെള്ളിയാഴ്ച ഉച്ചക്ക് 2.45 നാണ് അപകടം. യുവാവിനെ നാട്ടുകാർ ഒറ്റപ്പാലത്തെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. അപകടത്തിൽ പെട്ടി ഓട്ടോ റിക്ഷ തലകീഴായി മറിഞ്ഞു. പുതുപ്പരിയാരം ഇൻഡസ്ട്രിയൽ എസ്റ്റേറ്റിലെ ചുമട്ട്തൊഴിലാളിയാണ് സുൽഫിക്കറലി. കാവിൽ പാട് വാടക വീട്ടിലാണ് താമസം. സഹോദരങ്ങൾ: സുൽഫത്ത്, ഷിഫാന.
