പറവൂർ: അജ്ഞാത വാഹനമിടിച്ച് സൈക്കിൾ യാത്രികനായ ചിറ്റാറ്റുകര നീണ്ടൂർ മഠത്തിപ്പറമ്പിൽ ജോസഫിന്‍റെ മകൻ പീറ്റർ (60) മരിച്ചു. ശനിയാഴ്ച രാവിലെ ആറിന് കോട്ടക്കാവ് ഫൊറോന പള്ളിക്ക് പിന്നിലായിരുന്നു സംഭവം. ചെറായിയിൽ പെയിന്‍റ് കടയിൽ ജീവനക്കാരനാണ്. കടയിൽ പോകാൻ വീട്ടിൽനിന്ന് പറവൂർ പാലം ഇറങ്ങി വരുന്നതിനിടെയാണ് അപകടമുണ്ടായത്. ഇടിച്ച വാഹനം നിർത്താതെ പോയി. വാഹനം കണ്ടെത്താനുള്ള ശ്രമം നടക്കുന്നതായി പൊലീസ് പറഞ്ഞു. ഭാര്യ: മോളി. മക്കൾ: അഞ്ജു, അരുൺ. മരുമകൻ: ഡിക്സൺ തോമസ്.
