ചെങ്ങമനാട്: ദേശീയപാത അമ്പാട്ടുക്കാവിന് സമീപമുണ്ടായ വാഹനാപകടത്തിൽ കാൽനടക്കാരൻ മരിച്ചു. ചെങ്ങമനാട് തേക്കാനത്ത് പരേതനായ ഉതുപ്പിന്‍റെ മകൻ ജോഷിയാണ് (48) മരിച്ചത്. ലോറി ബ്രോക്കർ ഓഫിസ് ജീവനക്കാരനായിരുന്നു. കാൽനടക്കിടെ ശനിയാഴ്ച പുലർച്ച നിയന്ത്രണം വിട്ടെത്തിയ കാർ ഇടിച്ചുതെറിപ്പിക്കുകയായിരുന്നു. തൽക്ഷണം മരിച്ചു. നിർത്താതെ പോയ കാർ ഡ്രൈവർ പിന്നീട് പൊലീസിൽ ഹാജരായി. മാതാവ്: പരേതയായ മേരി. ഭാര്യ: വല്ലം ആയത്തുപടി ചെമ്പിശ്ശേരി കുടുംബാംഗം സിനി. മക്കൾ: ആൻമേരി, എയ്ഞ്ചൽ.
