ചെങ്ങന്നൂർ: തടി ലോറിയുടെ പിന്നില്‍ സ്‌കൂട്ടര്‍ ഇടിച്ച് യുവാവ് മരിച്ചു. തൃശൂര്‍ കൊടുങ്ങല്ലൂര്‍ ഇടതുരുത്തി കല്ലറക്കല്‍ സിബി ദേവസിയാണ് (35) മരിച്ചത്. മുളക്കുഴ പെട്രോള് പമ്പിന് സമീപം ഞായറാഴ്ച പുലര്‍ച്ച രണ്ടോടെയായിരുന്നു അപകടം. റോഡരികില്‍ പാര്‍ക്ക് ചെയ്ത തടിലോറിയുടെ പിന്നില്‍ പന്തളം ഭാഗത്തുനിന്ന് ചെങ്ങന്നൂര്‍ ഭാഗത്തേക്ക് പോകുകയായിരുന്ന സ്‌കൂട്ടര്‍ ഇടിച്ച് കയറുകയായിരുന്നു. പന്തളത്ത് സുഹൃത്തിനെ കണ്ടശേഷം തിരികെ വരുമ്പോഴാണ് അപകടം. ഗുരുതര പരിക്കേറ്റ ഇയാളെ കല്ലിശ്ശേരിയിലെ സ്വകാര്യ ആശുപത്രിയില്‍ എത്തിച്ചെങ്കിലും മരിച്ചു.
