മൂവാറ്റുപുഴ: ബൈക്കും ടിപ്പറും കൂട്ടിയിടിച്ച് ബൈക്ക് യാത്രികൻ മരിച്ചു. നഗരത്തിലെ വൺവെ ജങ്ഷനിൽ തിങ്കളാഴ്ച രാവിലെ 11 മണിയോടെയാണ് സംഭവം. കിഴക്കേക്കര സുറുമി കോട്ടേജിൽ അഷ്‌റഫാണ് (58) മരിച്ചത്. മൂവാറ്റുപുഴ ഭാഗത്തേക്ക് വരികയായിരുന്ന അഷറഫ് സഞ്ചരിച്ച ബൈക്കും ഇതേദിശയിൽ സഞ്ചരിച്ച ടിപ്പറും കൂട്ടിയിടിക്കുകയായിരുന്നു. റോഡിൽ തെറിച്ചുവീണ ഇയാളുടെ കാലുകളിലൂടെ ടിപ്പർ കയറിയിറങ്ങി. ഓടിയെത്തിയ നാട്ടുകാർ അഷ്റഫിനെ ഉടൻ കോലഞ്ചേരി മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും മരിച്ചു. ഭാര്യ: ബീന. മക്കൾ: സുറുമി, സുബിന. മരുമക്കൾ: നിസാമുദ്ദീൻ, ഫാസിൽ.
