കൂട്ടിക്കൽ: കാണാതായ വയോധികന്‍റെ മൃതദേഹം തോട്ടിൽനിന്ന് കണ്ടെത്തി. താളുങ്കൽ കല്ലുമുണ്ട, പാലയ്ക്കൽ കുഞ്ഞുകൊച്ചിന്‍റെ (80) മൃതദേഹമാണ് താളുങ്കൽ തോട്ടിൽ പുതുക്കാട് ഭാഗത്തുനിന്ന് വെള്ളിയാഴ്ച രാവിലെ കണ്ടെത്തിയത്. കഴിഞ്ഞ ശനിയാഴ്ച കൂട്ടിക്കലിൽ പോയി മടങ്ങിയ ഇദ്ദേഹം വീട്ടിൽ എത്തിയിരുന്നില്ല. തുടർന്നു തിരച്ചിൽ നടത്തിവരുകയായിരുന്നു.
കനത്തമഴയും തോട്ടിലെ ഉയർന്ന ജലനിരപ്പും തിരച്ചിലിന് തടസ്സമായി. വെള്ളിയാഴ്ച രാവിലെ തോടിന് സമീപത്ത് കൂടി ജോലിക്കു പോയയാളാണ് പാറയിൽ തങ്ങിനിൽക്കുന്ന നിലയിൽ മൃതദേഹം കണ്ടത്.
മൃതദേഹം ജീർണാവസ്ഥയിലായിരുന്നു. മുണ്ടക്കയം പൊലീസ് മേൽനടപടി സ്വീകരിച്ചു. ഭാര്യ: തങ്കമ്മ.
