പാലക്കാട്: ദേശീയപാത കണ്ണാടി കാഴ്ചപറമ്പ് പാലാന ആശുപത്രിക്കു മുമ്പിൽ വെള്ളിയാഴ്ച പുലർച്ചെയുണ്ടായ അപകടത്തിൽ വാൻഡ്രൈവർ മരിച്ചു. എറണാകുളം അങ്കമാലി പ്ലാക്കൽ വീട്ടിൽ രാജപ്പന്‍റെ മകൻ സുനിൽകുമാർ (49) ആണ് മരിച്ചത്. വെള്ളിയാഴ്ച പുലർച്ചെ അഞ്ചരയോടെ വോൾവോ ബസിടിച്ചാണ് അപകടം. പച്ചക്കറികളും പഴവർഗങ്ങളുമായി തൃശൂർ ഭാഗത്തേക്ക് പോയ പിക്കപ്പ് വാൻ ആശുപത്രിക്ക് മുമ്പിൽ കേടായതിനെ തുടർന്ന് മറ്റൊരു വാനിലേക്ക് സാധനങ്ങൾ മാറ്റി ടാർപോളിൻ കെട്ടുന്നതിനിടയിൽ വോൾവോ ബസിടിക്കുകയായിരുന്നു. സുനിൽകുമാർ അപകട സ്ഥലത്ത് തന്നെ മരിച്ചു. പാലക്കാട് ടൗൺ സൗത്ത് പൊലീസ് ഇൻക്വസ്റ്റ് നടത്തി. ഭാര്യ: രശ്മി. മകൻ: അഭിനവ്.
