മണ്ണഞ്ചേരി: ദേശീയപാതയിലുണ്ടായ വാഹനപകടത്തിൽ തമിഴ്നാട് സ്വദേശിയായ കറവക്കാരൻ മരിച്ചു. മണ്ണഞ്ചേരി പഞ്ചായത്ത് 13ാം വാർഡിൽ വാടകക്ക് താമസിക്കുന്ന കുറുമ്പപ്പാട്ടിൽ കോളനി സ്ട്രീറ്റ്, കശവനംപ്പാട്ടിൽ, കന്നിവ ടി, ബാലസമുദ്രം, ദിണ്ഡിഗലിൽ ശെൽവകുമാറാണ് (33) മരിച്ചത്. വെള്ളിയാഴ്ച പുലർച്ച 3.30ഓടെ ദേശീയപാതയിൽ പാതിരപ്പള്ളി ക്യാമിലോട്ടിന് സമീപമാണ് അപകടം. ശെൽവകുമാർ പുലർച്ച കറവക്കായി എത്തിയ വീട്ടിലെ ബൈക്ക് എടുത്ത് പാതിരപ്പള്ളിൽ ചായ കുടിക്കാനായി പോകവെ എതിരെ വന്ന കേഴിക്കോട് സ്വദേശിയുടെ ട്രാവലർ ഇടിക്കുകയായിരുന്നു.
ശെൽവകുമാർ സംഭവ സ്ഥലത്ത് വെച്ചുതന്നെ മരിച്ചു. പൊലീസും നാട്ടുകാരും ചേർന്ന് വണ്ടാനം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. മണ്ണഞ്ചേരി പൊലീസ് തുടർനടപടി സ്വീകരിച്ചു. ഭാര്യ: മലർ. മക്കൾ: കൃതിക്, കൃഷ്.
