ചെങ്ങന്നൂര്‍: ബൈക്കും പിക്അപ് വാനും കൂട്ടിയിടിച്ച് ബൈക്ക് യാത്രികനായ വിദ്യാര്‍ഥി മരിച്ചു. മാന്നാര്‍ ഐ.ടി.ഐ വിദ്യാര്‍ഥി തിരുവന്‍വണ്ടൂര്‍ നന്നാട് വടക്കേമുറിയില്‍ വീട്ടിൽ ബിജു ചാക്കോയുടെ മകൻ റിജു വി. ചാക്കോയാണ് (19) മരിച്ചത്.
എം.സി റോഡില്‍ പ്രാവിന്‍കൂടിനുസമീപം പഴയ ആറാട്ടുകടവ് പാലത്തില്‍ ശനിയാഴ്ച വൈകീട്ട് നാലിനായിരുന്നു അപകടം. റിജുവിന്‍റെ ബന്ധുവായ ആരോണിനെയും കൂട്ടി കല്ലിശ്ശേരിയിൽനിന്ന് ബജിയും മറ്റ് സാധനങ്ങളും വാങ്ങി തിരികെ വീട്ടിലേക്ക് പോകും വഴിയാണ് തിരുവല്ലയിൽനിന്ന് ചെങ്ങന്നൂരിലേക്ക് ടയര്‍ കയറ്റി വന്ന പിക്അപ് വാനുമായി കൂട്ടിയിടിച്ചത്.
ബൈക്കിൽ ഒപ്പം സഞ്ചരിച്ചിരുന്ന റിജുവിന്‍റെ പിതാവിന്‍റെ സഹോദരിയുടെ ചെറുമകൻ മാമ്പുഴക്കരി സ്വദേശി ആരോണിന്‍റെ (14) ഒരു കാലിന് ഒടിവുണ്ട്. മാതാവ്: ഷെറിൻ. സഹോദരൻ: റിജോ ചാക്കോ. സംസ്കാരം തിങ്കളാഴ്ച രാവിലെ 11ന് തെങ്ങേലി സെന്‍റ് മേരീസ് ക്നാനായ പള്ളി സെമിത്തേരിയിൽ.
