ചേർത്തല: സൈക്കിളിൽ ഓട്ടോയിടിച്ച് പരിക്കേറ്റ് ചികിത്സയിലിരുന്ന ചുമട്ടുതൊഴിലാളി മരിച്ചു. നഗരസഭ 23ാം വാർഡിൽ കോര്യംപള്ളി ഇല്ലത്ത് വെളിവീട്ടിൽ അനിരുദ്ധനാണ് (55) മരിച്ചത്. ചുമട്ടുതൊഴിലാളി യൂനിയൻ (സി.ഐ.ടി.യു) ചേർത്തല ഏരിയ കമ്മിറ്റി അംഗമാണ്. ഉത്രാടദിവസം രാത്രി 7.30 ഓടെ ചേർത്തല കണിച്ചുകുളങ്ങര ലെവൽ ക്രോസിന് സമീപത്താണ് സംഭവം.
അനിരുദ്ധൻ സഞ്ചരിച്ച സൈക്കിളിൽ എതിരെവന്ന ഓട്ടോ ഇടിക്കുകയായിരുന്നു. ഓട്ടോ നിർത്താതെ പോയെങ്കിലും തിരിച്ചറിഞ്ഞിട്ടുണ്ട്.
റോഡിൽ വീണ് തലക്ക് പരിക്കേറ്റ അനിരുദ്ധൻ കോട്ടയം മെഡിക്കൽ കോളജ് ആശുപത്രിയിൽ ചികിത്സയിലിരിക്കെയാണ് മരിച്ചത്. ഭാര്യ: ഐഷ. മക്കൾ: അരുൺ, അനുശ്രീ.
