അടിമാലി: എയ്ഡഡ് സ്കൂൾ പ്രധാനാധ്യാപകനെ വീട്ടിനുള്ളിൽ തൂങ്ങി മരിച്ച നിലയിൽ കണ്ടെത്തി. മുരിക്കുംതൊട്ടി സെന്റ് മരിയ ഗൊരോത്തി യു.പി. സ്കൂൾ പ്രധാനാധ്യാപകൻ ചെമ്മണ്ണാർ വെള്ളാപ്പിള്ളിൽ സിബി ജോസഫ് (55) ആണ് മരിച്ചത്. തിങ്കളാഴ്ച രാവിലെ മുതൽ ചെമ്മണ്ണാറിലെ വീട്ടിൽ സിബി തനിച്ചായിരുന്നു.
ഉച്ചയോടെ സിബിയുടെ ഭാര്യയും സ്ലീവാമല സെന്റ് ബെനഡിക്ട് എൽ.പി സ്കൂൾ പ്രധാനാധ്യാപികയുമായ സൂസമ്മ വീട്ടിലെത്തിയപ്പോഴാണ് ഇദ്ദേഹത്തെ തൂങ്ങി മരിച്ച നിലയിൽ കണ്ടത്. ഉടുമ്പൻചോല പൊലീസ് മേൽനടപടി സ്വീകരിച്ചു.
അടിമാലി താലൂക്ക് ആശുപത്രിയിൽ സൂക്ഷിച്ച മൃതദേഹം പോസ്റ്റ്മോർട്ടത്തിന് ശേഷം ചൊവ്വാഴ്ച ബന്ധുക്കൾക്ക് വിട്ടുനൽകും. മക്കൾ: ഡോണ, സോന, സാൻജോ.
