മൂവാറ്റുപുഴ: കാറുകൾ കൂട്ടിയിടിച്ചുണ്ടായ അപകടത്തിൽ പരിക്കേറ്റ് ചികിത്സയിലിരുന്ന യുവാവ് മരിച്ചു. പണ്ടപ്പിള്ളി പോക്കളത്ത് സത്യന്‍റെ മകൻ പി.എസ്. ശ്യാമാണ് (33) മരിച്ചത്. കഴിഞ്ഞ ബുധനാഴ്ച രാത്രി പത്തോടെ പെരുമ്പല്ലൂർ മുതുകല്ലിന് സമീപമാണ് സംഭവം. ശ്യാം സഞ്ചരിച്ച കാർ മറ്റൊരു കാറുമായി കൂട്ടിയിടിക്കുകയായിരുന്നു. ഗുരുതര പരിക്കേറ്റ ശ്യാമിനെ രാജഗിരി ആശുപത്രിയിലും തുടർന്ന് കോട്ടയം മെഡിക്കൽ കോളജ് ആശുപത്രിയിലും പ്രവേശിപ്പിച്ചെങ്കിലും ചൊവ്വാഴ്ച രാത്രി മരിച്ചു. മൂവാറ്റുപുഴ ഇൻഡസ് മോട്ടോഴ്സ് ജീവനക്കാരനായിരുന്നു. ഭാര്യ: ഗ്രീഷ്മ (നഴ്സ്). മകൾ: ഒരു വയസ്സുള്ള അമയ.
