അമ്പലപ്പുഴ: വാഹനാപകടത്തിൽ പരിക്കേറ്റ് ചികിത്സയിലിരുന്ന യുവാവ് മരിച്ചു. പുറക്കാട് പഞ്ചായത്ത് അഞ്ചാം വാർഡ് പഴയങ്ങാടി പൊക്കപ്പുറത്ത് (ചിറയിൽ) വീട്ടിൽ നടരാജന്‍റെ മകൻ മെറിൻരാജാണ് (33) മരിച്ചത്. തിരുവോണ ദിവസം രാത്രി 7.30ന് ദേശീയപാത പായൽക്കുളങ്ങര ക്ഷേത്രത്തിനുസമീപമാണ് സംഭവം. മെറിൻരാജ് സഞ്ചരിച്ച ബൈക്കിൽ കാറിടിക്കുകയായിരുന്നു. തലക്ക് ഗുരുതര പരിക്കേറ്റ മെറിനെ ഉടൻ വണ്ടാനം മെഡിക്കൽ കോളജ് ആശുപത്രിയിലും പിന്നീട് എറണാകുളത്തെ സ്വകാര്യ ആശുപത്രിയിലും പ്രവേശിപ്പിച്ചെങ്കിലും ബുധനാഴ്ച രാത്രി മരിച്ചു. വണ്ടാനം മെഡിക്കൽ കോളജ് ആശുപത്രി മോർച്ചറിയിലെത്തിച്ച് മൃതദേഹം പോസ്റ്റ്മോർട്ടം നടത്തി ബന്ധുക്കൾക്ക് വിട്ടുനൽകി. മാതാവ്: സുലോചന. സഹോദരി: നയന.
