വൈപ്പിന്‍: മത്സ്യം കയറ്റുന്നതിനിടെ കൂട്ടിയിടിച്ച വള്ളങ്ങള്‍ക്കിടയില്‍പെട്ട് എളങ്കുന്നപ്പുഴ ചാപ്പ കടപ്പുറം മനക്കല്‍ ജിയന്‍ സേവ്യര്‍ (46) മരിച്ചു. ചെല്ലാനം പടിഞ്ഞാറ് കടലില്‍ 12.30നായിരുന്നു സംഭവം. വള്ളത്തില്‍നിന്നുള്ള മത്സ്യം മറ്റൊരു വള്ളത്തിലേക്ക് മാറ്റുന്നതിനിടെയാണ് അപകടമുണ്ടായത്. ജനറല്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഭാര്യ: മറിയ ജാന്‍സി (വൃന്ദ). മക്കള്‍: ജിഷ്ണ ഗ്രേസി, മേരി ജിന്‍സി. മരുമകന്‍: ജിബിന്‍. സംസ്‌കാരം ശനിയാഴ്ച വൈകീട്ട് മൂന്നിന് മാലിപ്പുറം സെന്‍റ് ജോസഫ് പള്ളി സെമിത്തേരിയില്‍.
