പള്ളുരുത്തി: അപകടത്തിൽ പരിക്കേറ്റ് ചികിത്സയിലിരുന്ന ചലച്ചിത്ര, നാടക നടനും നാടക സംവിധായകനുമായ ഐ.ടി. ജോസഫ് (റിട്ട. കൊച്ചിൻ പോർട്ട് -69) നിര്യാതനായി. ചൊവ്വാഴ്ച പള്ളുരുത്തിയിൽ ലോറിയിടിച്ച് പരിക്കേറ്റ് എറണാകുളം മെഡിക്കൽ ട്രസ്റ്റ് ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലായിരുന്നു. 45 വർഷമായി നാടകരംഗത്ത് സജീവമായിരുന്നു. കേരള സംഗീത നാടക അക്കാദമിയുടെ ഗുരുപൂജ പുരസ്കാരം ലഭിച്ചിട്ടുണ്ട്. ഭാര്യ: മരിയ ഷൈനി. മക്കൾ: ദീപ, ദീപ്തി. മരുമക്കൾ: മാഗിൻ, അരുൺ. സംസ്കാരം പിന്നീട്.
