കാക്കനാട്: തൃക്കാക്കരക്ക് സമീപം ബൈക്കിടിച്ച് വഴിയാത്രക്കാരൻ മരിച്ചു. ഈച്ചമുക്ക് ചായിക്കോടത്ത് സി.ടി. ജോളിയാണ് (60) മരിച്ചത്. തിങ്കളാഴ്ച രാവിലെ 10ന് സീപോർട്ട് എയർപോർട്ട് റോഡിൽ സൺറൈസ് ആശുപത്രിക്ക് സമീപം റോഡരികിലൂടെ നടന്നു പോവുകയായിരുന്ന ജോളിയെ അമിത വേഗത്തിൽ വന്ന ബൈക്കിടിച്ച് തെറിപ്പിക്കുകയായിരുന്നു.
ഇടിയുടെ ആഘാതത്തിൽ തലക്ക് പരിക്കേറ്റ ജോളിയെ സൺറൈസ് ആശുപത്രിയിൽ പ്രവേശിപ്പിച്ചെങ്കിലും വൈകീട്ട് ആറിന് മരിച്ചു. ഭാര്യ പരേതയായ മോളി. മക്കൾ : റോസ്മേരി ഗ്ലാഡു, ഗിൽട്ടൻ, ചിഞ്ചില തെരേസ. മരുമകൻ: വിനു ജോയി.
