പറവൂർ: റോഡ് മുറിച്ചുകടക്കുന്നതിനിടെ വാഹനമിടിച്ച് വയോധികൻ മരിച്ചു. ജ്യൂ സ്ട്രീറ്റ് തെക്കിനേടത്ത് ടി.വി. ജോസാണ് (70) മരിച്ചത്. ചൊവ്വാഴ്ച വൈകീട്ട് 6.30ന് ദേശീയപാതയിൽ ചന്തക്ക് സമീപമായിരുന്നു അപകടം. ഇവിടത്തെ ഒരു കടയിലെ ജീവനക്കാരനാണ്. കടയിൽനിന്നു വീട്ടിലേക്കു പോകുകയായിരുന്നു. അഴീക്കോട്ടുനിന്ന് മൂവാറ്റുപുഴയിലേക്ക് മത്സ്യവുമായി പോയ പിക് അപ് വാനാണ് ഇടിച്ചത്. ഗുരുതര പരിക്കേറ്റ ഇയാളെ ഉടൻ ആശുപത്രിയിലെത്തിച്ചെങ്കിലും മരിച്ചു. അവിവാഹിതനാണ്. സംസ്കാരം ബുധനാഴ്ച ഉച്ചക്ക് 2.30ന് സെന്‍റ് തോമസ് കോട്ടക്കാവ് പള്ളി സെമിത്തേരിയിൽ.
