വൈക്കം: മുളക്കുളം ശ്രീലക്ഷ്മണ സ്വാമി ക്ഷേത്രോപദേശക സമിതി സെക്രട്ടറി പി.ആർ. ലക്ഷ്മണൻ (69) നിര്യാതനായി. തിരുവിതാംകൂർ ദേവസ്വം ബോർഡിൽ വിവിധ ദേവസ്വങ്ങളിൽ നാഗസ്വര അടിയന്തിരക്കാരനായിരുന്നു. തിരുമൂഴിക്കുളം ദേവസ്വത്തിൽനിന്ന് വിരമിച്ച ശേഷം നാലമ്പല തീർഥാടന സമിതിയുടെ മുഖ്യ സംഘാടകനായി പ്രവർത്തിച്ചുവരുകയായിരുന്നു. നാലമ്പല തീർഥാടകർക്ക് അന്നദാനമൊരുക്കുന്നതിൽ പ്രധാന പങ്കുവഹിച്ചിട്ടുണ്ട്. കന്നിമാസ ആയില്യപൂജകൾക്കായി അന്നദാനമണ്ഡപത്തിന് സമീപത്തെ സർപ്പസങ്കേതം ശുചീകരിക്കുന്നതിനിടെ കുഴഞ്ഞുവീഴുകയായിരുന്നു. ആശുപത്രിയിലെത്തിച്ചെങ്കിലും മരിച്ചു. ഭാര്യ: വണ്ടാനത്ത് (ലിജിൽ ഭവനിൽ) വിജയമ്മ. മക്കൾ: ലിജിൽ ലാൽ, ലിജിൽ ലക്ഷ്മി. മരുമക്കൾ: രാധിക, നിഷേത് കുമാർ.
