കമ്പളക്കാട്: കാറിടിച്ച് കാൽനട യാത്രക്കാരൻ മരിച്ചു. പള്ളിമുക്ക് വൈത്തലപറമ്പന്‍ മുഹമ്മദ് സലീം (53) ആണ് മരിച്ചത്. വെള്ളിയാഴ്ച പുലര്‍ച്ചെ അഞ്ചിനാണ് അപകടം. വീട്ടില്‍നിന്നു പള്ളിയിലേക്കു പോകുന്ന സലീമിനെ നിയന്ത്രണംവിട്ട കാര്‍ ഇടിക്കുകയായിരുന്നു.
ബംഗളൂരുവിൽനിന്ന് വരുന്ന തിരൂര്‍ സ്വദേശികള്‍ സഞ്ചരിച്ച കാറാണ് പള്ളിമുക്ക് പള്ളിക്ക് സമീപം അപകടത്തിനിടയാക്കിയത്. ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഡ്രൈവർ ഉറങ്ങിപ്പോയതാണ് അപകട കാരണമെന്നാണ് സൂചന. പള്ളിമുക്കിലെ ഫര്‍ണിച്ചര്‍ ഷോപ് ഉടമയാണ് മുഹമ്മദ് സലിം. ഭാര്യ: സബീന. മക്കൾ: നിഹാൽ, അഫ്ന,അംന. മരുമകൻ: മുഹമ്മദ് ഷാഫി തരുവണ.
