പനമരം: പരിയാരത്ത് പുഴയിൽ വയോധികയുടെ മൃതദേഹം കണ്ടെത്തി. കൂളിവയൽ കാലായിൽ അമ്മിണി (75) ആണ് മരിച്ചത്. ഞായറാഴ്ച ഉച്ച കഴിഞ്ഞാണ് പരിയാരത്തെ കബനി പുഴയിൽ കമിഴ്ന്ന് കിടക്കുന്ന രീതിയിൽ മൃതദേഹം കണ്ടത്.
പനമരം പൊലീസ് സ്ഥലത്തെത്തി തുടർ നടപടികൾ സ്വീകരിച്ചു. മൃതദേഹത്തിന് മൂന്നു ദിവസത്തെ പഴക്കമുണ്ട്. സമീപത്തുനിന്ന് ലഭിച്ച മരുന്നുശീട്ടില്‍നിന്നുമാണ് ആളെ തിരിച്ചറിഞ്ഞത്. ഇവര്‍ കഴിഞ്ഞ വ്യാഴാഴ്ച പനമരം ആശുപത്രിയിൽ പോയിരുന്നു. തിരിച്ചുവരാത്തതിനാല്‍ മകന്‍ ബന്ധുവീടുകളിലും മറ്റും അന്വേഷിച്ചിരുന്നു. മൃതദേഹം പോസ്റ്റ്മോർട്ടത്തിനായി മാനന്തവാടി മെഡിക്കൽ കോളജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. ഭർത്താവ്: പരേതനായ കൃഷ്ണൻകുട്ടി. മക്കൾ: ബാലൻ, ഓമന. മരുമക്കൾ: ശോഭ, ബേബി.
