പെരുമ്പാവൂര്‍: അജ്ഞാതവാഹനം ഇടിച്ച് ബൈക്ക് യാത്രികനായ വിദ്യാര്‍ഥി മരിച്ചു. കീഴില്ലം കുറുങ്ങാട്ട് വീട്ടിൽ രവീന്ദ്രന്‍ നായരുടെ മകന്‍ കൃഷ്ണചന്ദ്രനാണ് (23) മരിച്ചത്.
ഞായറാഴ്ച രാത്രി 10 ഓടെ എം.സി റോഡില്‍ തായ്ക്കരചിറക്ക് സമീപമാണ് അപകടം. എറണാകുളം തൃക്കാക്കര ഗവ. മോഡൽ എൻജിനീയറിങ് കോളജ് മൂന്നാം വർഷ കമ്പ്യൂട്ടർ വിദ്യാർഥിയായ കൃഷ്ണചന്ദ്രന്‍ രാത്രി ഹോസ്റ്റലിലേക്ക് പോകും വഴി വീടിന് ഒരു കിലോമീറ്റര്‍ അകലെ വെച്ചാണ് അപകടം സംഭവിച്ചത്.
റോഡില്‍ ചോരവാര്‍ന്ന് കിടന്ന കൃഷ്ണചന്ദ്രനെ വഴിയാത്രക്കാര്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ആദരസൂചകമായി തിങ്കളാഴ്ച കോളജിന് അവധി നൽകി. മാതാവ്: പ്രസന്ന. സഹോദരന്‍: മുരളീകൃഷ്ണ. കുറുപ്പംപടി പൊലീസ് കേസെടുത്ത് അന്വേഷണം ആരംഭിച്ചു.
