മരട്: വയോധികയെ വീട്ടിനുള്ളില്‍ പൊള്ളലേറ്റ് മരിച്ച നിലയില്‍ കണ്ടെത്തി. മരട് മംഗലപ്പിള്ളി ഹൗസില്‍ പരേതനായ ശിവന്‍ കുട്ടിയുടെ ഭാര്യ ശാരദാമ്മയെയാണ് (76) ചൊവ്വാഴ്ച രാവിലെ ആറോടെ മരിച്ച നിലയില്‍ കണ്ടെത്തിയത്. രാത്രികാലങ്ങളില്‍ മകന്റെ വീട്ടിലാണ് സ്ഥിരം കിടക്കുന്നത്. പുലർച്ച നാലോടെ തൊട്ടടുത്തുള്ള തറവാട് വീട്ടിലേക്ക് പോയ ശാരദാമ്മക്ക് രാവിലെ ഭക്ഷണം നല്‍കാനെത്തിയപ്പോഴാണ് വീട് പൂട്ടിയ നിലയില്‍ കണ്ടത്. തുടര്‍ന്ന് നടത്തിയ അന്വേഷണത്തിലാണ് ബെഡില്‍ പൂര്‍ണമായും കത്തിക്കരിഞ്ഞ നിലയില്‍ മൃതദേഹം കണ്ടെത്തിയത്. മരട് പൊലീസ് കേസെടുത്ത് അന്വേഷണം ആരംഭിച്ചു. മക്കള്‍: സുരേഷ് ബാബു, സിന്ധു. മരുമക്കള്‍: ബീന, ഗിരീഷ്. സംസ്‌കാരം നടത്തി.
