ആനക്കര: ഉംറ നിര്‍വഹിക്കാൻ പോയ ആനക്കര മലമല്‍ക്കാവ് സ്വദേശി മുണ്ടംവളപ്പില്‍ മുഹമ്മദ് (മാനു-70) മദീനയില്‍ നിര്യാതനായി. മലമല്‍ക്കാവ് ശാഖ മുസ്‍ലിം ലീഗ് മുന്‍ പ്രസിഡന്റ് ആയിരുന്നു. ഭാര്യ റുഖിയയോടൊപ്പം മക്കയില്‍ ഉംറ നിര്‍വഹിച്ച ശേഷം മദീനയിൽ സന്ദർശനത്തിനെത്തിയതായിരുന്നു. ഇതിനിടെ ചുമയും ശ്വാസതടസ്സവും അനുഭവപ്പെട്ടതിനെ തുടര്‍ന്ന് മദീന ആശുപത്രിയില്‍ പ്രവേശിപ്പിച്ചിരുന്നു. പിന്നീട് രോഗം അധികമായതിനെ തുടര്‍ന്ന് വെന്റിലേറ്ററിലാക്കുകയും ചെയ്തിരുന്നു. ഖബറടക്കം മദീനയില്‍ നടക്കും. മക്കള്‍: റംഷാദ്, റംസീന
