ചങ്ങനാശ്ശേരി: മരുമകനൊപ്പം യാത്രചെയ്യവേ റോഡിലെ ഹംപില്‍ ബൈക്ക് കയറിയതിനെത്തുടര്‍ന്ന് പിന്നിലിരുന്ന് യാത്ര ചെയ്ത വീട്ടമ്മ തെറിച്ചുവീണ് തല്‍ക്ഷണം മരിച്ചു. ചങ്ങനാശ്ശേരി തൃക്കൊടിത്താനം കിളിമല തുണ്ടിയില്‍ വീട്ടില്‍ കുഞ്ഞുമോന്‍റെ ഭാര്യ അന്നമ്മ ഫ്രാന്‍സിസ് (കുഞ്ഞുമോള്‍ -45) ആണ് മരിച്ചത്. പായിപ്പാട് പാണ്ടിശ്ശേരി കുടുംബാംഗമാണ്. ബുധനാഴ്ച രാത്രി 9.30ഓടെ തിരുവല്ല കല്ലിശ്ശേരി ഭാഗത്ത് ബന്ധുവീട്ടില്‍ പോയി മടങ്ങവെ കല്ലിശ്ശേരിക്കടുത്താണ് അപകടമുണ്ടായത്. ഉടന്‍ കല്ലിശ്ശേരി കെ.എം. ചെറിയാന്‍ ഹോസ്പിറ്റലില്‍ എത്തിച്ചെങ്കിലും മരണപ്പെട്ടിരുന്നു. മൃതദേഹം ചെങ്ങന്നൂര്‍ താലൂക്ക് ആശുപത്രിയില്‍ പോസ്റ്റ്മോര്‍ട്ടത്തിനുശേഷം പായിപ്പാട് നാലുകോടി സെന്‍റ് റീത്താസ് ഹോസ്പിറ്റല്‍ മോര്‍ച്ചറിയില്‍. വെള്ളിയാഴ്ച രാവിലെ കിളിമലയിലെ വീട്ടിലെത്തിക്കുന്ന മൃതദേഹം ഉച്ചക്ക് 2.30ന് തൃക്കൊടിത്താനം സെന്‍റ് സേവ്യേഴ്‌സ് ഫൊറോന പള്ളി സെമിത്തേരിയില്‍ സംസ്‌കരിക്കും. ചെങ്ങന്നൂര്‍ പൊലീസ് കേസെടുത്ത് നടപടി സ്വീകരിച്ചു. മക്കള്‍: പ്രിന്‍സ്, പ്രിയ. മരുമകന്‍: ജോജോ ആലപ്പുഴ.
