കല്ലടിക്കോട്: ഓട്ടോയും ബൈക്കും കൂട്ടിയിടിച്ച് പരിക്കേറ്റ യുവാവ് ചികിത്സയിലിരിക്കെ മരിച്ചു. കരിമ്പ തുപ്പനാട് ചെറുള്ളി മoത്തിങ്കൽ വീട്ടിൽ മുഹമ്മദ് ഹനീഫ-ഷമീറ ദമ്പതികളുടെ മകൻ ഫൈസൽ (21) ആണ് വെള്ളിയാഴ്ച വൈകീട്ട് മൂന്നിന് തൃശൂരിലെ സ്വകാര്യ ആശുപത്രിയിൽ മരിച്ചത്. ഫൈസൽ മൊബൈൽ ടെക്നീഷ്യനായി ജോലി ചെയ്തുവരുകയായിരുന്നു. ബുധനാഴ്ച രാത്രി പാലക്കാട്ടെ പുതിയ മൊബൈൽ കട ഉദ്ഘാടനച്ചടങ്ങിൽ പങ്കെടുത്ത് വീട്ടിലേക്ക് മടങ്ങുമ്പോഴാണ് ഒലവക്കോട്ടിനടുത്ത് ജൈനിമേട്ടിൽ ഫൈസൽ സഞ്ചരിച്ച ബൈക്ക് അപകടത്തിൽ പെട്ടത്. സഹോദരങ്ങൾ: ഫാഇസ്, ഫെബിത. ഖബറടക്കം ശനിയാഴ്ച ഉച്ചക്ക് ശേഷം തുപ്പനാട് ജുമാമസ്ജിദ് ഖബർസ്ഥാനിൽ
