തൂക്കുപാലം: നെടുങ്കണ്ടത്തെ മലഞ്ചരക്ക് വ്യാപാരിയെ റോഡരികിലെ ഓടയിൽ മരിച്ചനിലയിൽ കണ്ടെത്തി. തോവാളപ്പടി ഇലന്തൂര്‍ കുഞ്ഞുമോന്‍ എന്ന ഇ.എം. മാത്യുവിനെയാണ് (58) തൂക്കുപാലം രാമക്കൽമേട് റോഡിൽ വിജയമാതാ സ്കൂൾ ജങ്ഷനിലെ റോഡരികിലെ ഓടയില്‍ മരിച്ചനിലയില്‍ കണ്ടെത്തിയത്. വ്യാഴാഴ്ച രാത്രി ഒമ്പതോടെ കടയടച്ച ശേഷം കാറോടിച്ച് തോവാളപ്പടിയിലെ വീട്ടിലേക്ക് പോകുംവഴിയായിരുന്നു സംഭവം. വഴിയരികില്‍ ലൈറ്റിട്ട വാഹനം നിർത്തിയിട്ടിരിക്കുന്നത് കണ്ടതിനാലാണ് വഴിയാത്രക്കാർ പരിസരത്ത് തിരച്ചില്‍ നടത്തിയത്. തുടർന്ന് പൊലീസിൽ അറിയിക്കുകയായിരുന്നു. ഭാര്യ: നെടുങ്കണ്ടം പുരയിടത്തില്‍ കുടുംബാംഗം ഷാന്‍റി മാത്യു. മക്കള്‍: ഡോ. നിതിൻ, ഡോ. ജിതിൻ. മരുമകള്‍: ഡോ. മരിയ ജോർജ് മലയാറ്റൂര്‍ പാലാട്ടില്‍ കുടുംബാംഗം. സംസ്കാരം ശനിയാഴ്ച രാവിലെ 11ന് നെടുങ്കണ്ടം സെന്‍റ് സെബാസ്റ്റ്യന്‍സ് പള്ളി സെമിത്തേരിയില്‍.
