അടിമാലി: മാങ്കുളം മുനിപാറയ്ക്ക് സമീപം ചിന്നാർപാലത്തിൽ ബൈക്കും ഓട്ടോയും കൂട്ടിയിടിച്ച് ക്ഷീരകർഷകൻ മരിച്ചു. മാങ്കുളം മുനിപാറ വലിയപറമ്പിൽ കൃഷ്ണനാണ് (68) മരിച്ചത്. വെള്ളിയാഴ്ച പുലർച്ച വീട്ടിൽനിന്ന് പാലുമായി ബൈക്കിൽ മാങ്കുളത്തെ പാൽ സൊസൈറ്റിയിലെത്തി തിരികെ വീട്ടിലേക്ക് പോകും വഴിയാണ് ഓട്ടോയുമായി കൂട്ടിയിടിച്ചത്. ഉടൻ അടിമാലി താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഭാര്യ: സോഫിയ. മക്കൾ: സിനി (സി.പി.എം മാങ്കുളം ലോക്കൽ കമ്മിറ്റി അംഗം), സിജു, സിജോ, അനസ്. സംസ്കാരം ശനിയാഴ്ച പകൽ 10 മണിക്ക് മുനിപാറ സൊസൈറ്റിപടിയിലെ വീട്ടുവളപ്പിൽ.
