എടത്വ: പാടത്ത് നിലമൊരുക്കുന്ന ജോലിക്കിടെ കുഴഞ്ഞുവീണ് മുൻ പഞ്ചായത്ത് അംഗം മരിച്ചു. തലവടി ഗ്രാമപഞ്ചായത്ത് മുൻ അംഗവും കർഷകത്തൊഴിലാളി യൂനിയൻ പഞ്ചായത്ത് സെക്രട്ടറിയുമായ ആനപ്രമ്പാല്‍ നോർത്ത് പീടികത്തറ വീട്ടിൽ ടി.കെ. സോമനാണ് (67) മരിച്ചത്. വെള്ളിയാഴ്ച രാവിലെയായിരുന്നു സംഭവം.തലവടി കൃഷിഭവൻ പരിധിയിൽ വരുന്ന കണ്ടങ്കേരി കടമ്പാങ്കേരി പാടശേഖരത്തിൽ പുഞ്ചകൃഷിക്കായി നിലമൊരുക്കുന്നതിനിടെ കുഴഞ്ഞുവീഴുകയായിരുന്നു. തുടർന്ന്കർഷകത്തൊഴിലാളികൾ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഭാര്യ: കനകമ്മ. മക്കൾ: സേതു, സുമി, സൂര്യ. മരുമക്കൾ: ജിനീഷ്, വിനീഷ്. സംസ്‍കാരം പിന്നീട്.
