പൊൻകുന്നം: മരത്തിൽനിന്ന് വീണ് തൊഴിലാളി മരിച്ചു. പാമ്പാടി പങ്ങട ഐരുമല തങ്കപ്പൻ (ശശി -65) ആണ് മരിച്ചത്. പൊൻകുന്നം വട്ടക്കാവുങ്കൽ കുടുംബാംഗമാണ്. ശനിയാഴ്ച ഉച്ചക്ക് ഇളങ്ങുളം പള്ളിക്ക് സമീപത്തെ വീട്ടിൽ മരച്ചില്ല മുറിക്കുന്നതിനിടെയാണ് സംഭവം. മരച്ചുവട്ടിലെ കല്ലിൽ തലയിടിച്ചാണ് വീണത്. ഉടൻ കാഞ്ഞിരപ്പള്ളി ജനറൽ ആശുപത്രിയിലെത്തിച്ചെങ്കിലും രക്ഷിക്കാനായില്ല. പൊൻകുന്നം പൊലീസ് നടപടി സ്വീകരിച്ചു. മൃതദേഹം ജനറൽ ആശുപത്രി മോർച്ചറിയിൽ. ഭാര്യമാർ: ബിന്ദു (പങ്ങട ഐരുമല കുടുംബാംഗം), പരേതയായ തങ്കമ്മ (മണ്ണാറക്കയം കറിപ്ലാക്കൽ കുടുംബാംഗം). മക്കൾ: മോഹൻദാസ്, സത്യൻ, വിനോദ്, അനിൽകുമാർ. സംസ്‌കാരം ഞായറാഴ്ച വൈകീട്ട് നാലിന് പാമ്പാടി പങ്ങടയിലെ വീട്ടുവളപ്പിൽ.
