കറുകച്ചാൽ: ബൈക്കപകടത്തിൽ ഗുരുതര പരിക്കേറ്റ് ചികിത്സയിൽ കഴിഞ്ഞയാൾ മരിച്ചു. മൈലാടി മടുക്കയ്ക്കൽ (ഇടക്കാട്ടിൽ) പരേതനായ തോമസിന്റെ മകൻ മാത്യുവാണ് (37) മരിച്ചത്. കഴിഞ്ഞ വ്യാഴാഴ്ച വൈകീട്ട് നാലരയോടെ ചങ്ങനാശ്ശേരി-വാഴൂർ റോഡിൽ മൈലാടിയിലായിരുന്നു അപകടം. കറുകച്ചാൽ ഭാഗത്തുനിന്ന് മൈലാടിയിലേക്ക് പോയ മാത്യു സഞ്ചരിച്ച ബൈക്ക് നിയന്ത്രണംവിട്ട് കാൽനടക്കാരനെ ഇടിച്ചശേഷം മറിയുകയായിരുന്നു. തലക്ക് ഗുരുതരയി പരിക്കേറ്റ മാത്യുവിനെ ആദ്യം മെഡിക്കൽ കോളജിലും തുടർന്ന് കോട്ടയത്തെയും പിന്നീട് എറണാകുളത്തെയും സ്വകാര്യ ആശുപത്രിയിൽ പ്രവേശിപ്പിച്ചു. തീവ്രപരിചരണ വിഭാഗത്തിൽ കഴിയവെ തിങ്കളാഴ്ച വൈകീട്ട് ആറരയോടെ മരിച്ചു. മാതാവ്: മേരിക്കുട്ടി. ഭാര്യ: നിഷ. ചമ്പക്കര പാലുവേലിൽ കുടുംബാംഗം. മകൻ: മെൽബിൻ മാത്യു. സംസ്‌കാരം പിന്നീട്.
