തൊടുപുഴ: കെനിയയിലെ കോർ, ഓയ്സ്റ്റർ ബേ ടെക്നിക്കൽ സ്കൂൾ, അപ്പർഹിൽ പാരിഷ്, ഇൻസ്റ്റിറ്റ്യൂട്ട് ഓഫ് യൂത്ത് സ്റ്റഡീസ് തങ്കാസ, കാത്തകാറ്റിക്കൽ ട്രെയിനിങ് ഇൻസ്റ്റിറ്റ്യൂട്ട് വക്കാലാല എന്നിവിടങ്ങളിൽ കഴിഞ്ഞ 40 വർഷമായി സേവനമനുഷ്ഠിച്ചു വരികയായിരുന്ന ഫാ. മാത്യു പുതുമന എസ്.ഡി.ബി (67) താൻസനിയയിൽ വാഹനാപകടത്തിൽ മരിച്ചു. ഇടുക്കി വെള്ളിയാമറ്റം കൊട്ടുകാപ്പിള്ളി പുതുമന പരേതനായ ജോസഫിന്‍റെ മകനാണ്. 1973ൽ സലേഷ്യൻ സഭാംഗമായ ഫാ. മാത്യു 1983ൽ പൗരോഹിത്യം സ്വീകരിച്ചു. മാതാവ്: കപ്പാട് ഞാവള്ളിൽ കുടുംബാംഗം ഏലിക്കുട്ടി. സഹോദരങ്ങൾ: ലിസി മാത്യു വടക്കുംപറമ്പിൽ വാഴക്കുളം, ജോസ് വെള്ളിയാമറ്റം, മേഴ്സി തോമസ് പൊന്നുംപുരയിടം കൊഴുവനാൽ. സംസ്കാരം വ്യാഴാഴ്ച ഇന്ത്യൻ സമയം 12.30ന് താൻസനിയയിൽ.
