ആലുവ: ദേശീയപാതയിലുണ്ടായ വാഹനാപകടത്തിൽ പരിക്കേറ്റ് ചികിത്സയിലിരുന്ന യുവാവ് മരിച്ചു. മുട്ടം പഴയ റോഡിൽ പാലത്തിങ്കൽ വീട്ടിൽ സനോജാണ് (42) മരിച്ചത്. ചൊവ്വാഴ്ച വൈകീട്ട് അഞ്ചിന് ആലുവ മുട്ടം തൈക്കാവിന് സമീപം കാറും ബൈക്കും കൂട്ടിയിടിച്ചാണ് അപകടമുണ്ടായത്. ആലുവ ഭാഗത്തേക്ക് പോകുകയായിരുന്ന കാർ, യു-ടേൺ തിരിഞ്ഞ് ബൈക്കിന് പിറകിൽ ഇടിക്കുകയായിരുന്നു. പരിക്കേറ്റ സനോജിനെ ആശുപത്രിയിൽ എത്തിച്ചെങ്കിലും ബുധനാഴ്‌ച രാവിലെ ഒമ്പതിന് മരിച്ചു. ഇലക്ട്രീഷനാണ്. പിതാവ്: പരേതനായ അപ്പൂഞ്ഞ്. മാതാവ്: രമണി. സഹോദരങ്ങൾ: സജിത്, സരിത.
