കോതമംഗലം: കൊച്ചി-മധുര ദേശീയപാതയിൽ കുഴിയിൽ ഓട്ടോറിക്ഷ മറിഞ്ഞ് വയോധികൻ മരിച്ചു. നെല്ലിമറ്റം കോളനിപ്പടി കളരിക്കുടി ഔസേപ്പ് വർക്കി (ഔസേപ്പുട്ടി -74) ആണ് മരിച്ചത്. വ്യാഴാഴ്ച രാത്രി ഏഴോടെ അയ്യങ്കാവിനും ശോഭനപ്പടിക്കും ഇടയിലുള്ള വളവിലാണ് അപകടം. കോതമംഗലത്തേക്ക് വരുകയായിരുന്ന ഓട്ടോ എതിരെ വാഹനം വന്നപ്പോൾ അരികിലേക്ക് മാറ്റവേ റോഡരികിലെ കുഴിയിൽ വീണ് മറിയുകയായിരുന്നു. ഓട്ടോയുടെ അടിയിൽപെട്ട ഔസേപ്പ് സംഭവസ്ഥലത്തുതന്നെ മരിച്ചു. ഓട്ടോ ഡ്രൈവർ ഹംസക്ക് പരിക്കുണ്ട്. ഔസേപ്പിന്‍റെ ഭാര്യ ഏലിക്കുട്ടി. മക്കൾ: ജീസൺ, ജിനു. മരുമകൻ: ജസ്റ്റിൻ.
