ചവറ: വെൽഡിങ് ജോലിക്കിടെ തൊഴിലാളി മരിച്ചു. തേവലക്കര മൊട്ടയ്‌ക്കൽ തുണ്ടയ്യത്ത് വീട്ടിൽ പ്രമോദ് (44) ആണ് മരണപ്പെട്ടത്. ശനിയാഴ്ച ഉച്ചക്ക് ഒന്നോടെയാണ് സംഭവം. പണിക്കർകടവിന് സമീപം ബോട്ട് യാർഡിൽ മത്സ്യബന്ധന ബോട്ടിന്റെ വെൽഡിങ്ങിനിടെയാണ് അപകടം. വൈദ്യുതാഘാതമേറ്റ് തെറിച്ചുവീണതാകാമെന്ന് സംശയിക്കുന്നു. മൃതദേഹം കരുനാഗപ്പള്ളി താലൂക്കാശുപത്രി മോർച്ചറിയിൽ. ഭാര്യ: അമൃത. മകൻ: ആദി. സംസ്കാരം ഞായറാഴ്ച ഉച്ചക്ക് രണ്ടിന് വീട്ടുവളപ്പിൽ.
