കൊച്ചി: ടാങ്കര്‍ ലോറി ഇടിച്ച് ബൈക്ക് യാത്രികനായ യുവാവ് മരിച്ചു. വല്ലാര്‍പാടം പനമ്പുകാട് അഴീക്കല്‍കടവില്‍ എ.ആര്‍. കിഷോറിന്‍റെ മകന്‍ രാധാകൃഷ്ണനാണ് (22) മരിച്ചത്. പാലാരിവട്ടം-സിവില്‍ സ്റ്റേഷന്‍ റോഡില്‍ ആലിന്‍ചുവടിന് സമീപം ശനിയാഴ്ച വൈകീട്ട് 3.45 ഓടെയായിരുന്നു അപകടം. നാട്ടുകാരും യാത്രക്കാരും ചേര്‍ന്ന് മെഡിക്കല്‍ സെന്‍റര്‍ ആശുപത്രിയില്‍ എത്തിച്ചെങ്കിലും മരിച്ചിരുന്നു. മൃതദേഹം ഇന്‍ക്വസ്റ്റ് നടപടികള്‍ക്കുശേഷം ഞായറാഴ്ച ബന്ധുക്കള്‍ക്ക് വിട്ടു നല്‍കും.
