കരുമാല്ലൂർ: ബൈക്കും ജീപ്പും കൂട്ടിയിടിച്ച് വിദ്യാർഥി മരിച്ചു. വെസ്റ്റ് വെളിയത്തുനാട് പറേലിപ്പള്ളം വാലത്ത് പറമ്പിൽ മുഹമ്മദ് സജീറിന്റെ മകൻ ഉമറുൽ ഫാറൂഖാണ് (19) മരിച്ചത്.
തിങ്കളാഴ്ച വൈകീട്ട് ഏഴിന് പറവൂർ ഭാഗത്തുനിന്ന് ആലുവ ഭാഗത്തേക്ക് പോകുമ്പോഴായിരുന്നു അപകടം.
മറിയപ്പടി ഭാഗത്ത് എതിരെ വന്ന ജീപ്പിൽ ഇടിക്കുകയായിരുന്നു. ഇടിയുടെ ആഘാതത്തിൽ തെറിച്ച് ജീപ്പിന് മുകളിലേക്ക് വീഴുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും മരിച്ചു. പിന്നിലിരുന്ന സുഹൃത്ത് ദിൽഷാദിനെ (24) ഗുരുതര പരിക്കോടെ എറണാകുളം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. കുന്നുകര എം.ഇ.എസ് കോളജ് ബിരുദ വിദ്യാർഥിയായിരുന്നു ഉമറുൽ ഫാറൂഖ്. ഖബറടക്കം നടത്തി. മാതാവ്: സബിത. സഹോദരി: ആമിന.
