അഗളി: അട്ടപ്പാടി പുതൂർ ചാവടിയൂരിൽ യുവാവിനെ ഭവാനിപ്പുഴയിൽ മുങ്ങി മരിച്ച നിലയിൽ കണ്ടെത്തി.
പാലക്കാട് കൊഴിഞ്ഞാമ്പാറ സ്വദേശി സുരേഷിനെയാണ് (45) ബുധനാഴ്ച ഉച്ചയോടെ പുഴയിൽ മരിച്ച നിലയിൽ കണ്ടെത്തിയത്.
ചാവടിയൂരിലെ ബേക്കറി കടയിൽ രണ്ട് വർഷമായി ജോലി ചെയ്ത് വന്നിരുന്നു. അപസ്മാരമുണ്ടായിരുന്ന ഇയാൾ ബുധനാഴ്ച ഉച്ചയോടെ തുണി അലക്കാൻ ഭവാനിപ്പുഴയിൽ ഇറങ്ങിയപ്പോൾ അപസ്മാരം കൂടിയതിനെ തുടർന്ന് പുഴയിൽ വീഴുകയായിരുന്നു എന്ന് പറയുന്നു. മൃതദേഹം പോസ്റ്റ്മോർട്ടത്തിനയച്ചു.
