അമ്പലപ്പുഴ: ജോലി കഴിഞ്ഞ് മടങ്ങിയെത്തിയ മത്സ്യത്തൊഴിലാളി കുഴഞ്ഞുവീണ് മരിച്ചു. അമ്പലപ്പുഴ തെക്ക് പഞ്ചായത്ത് കോമന പുതുവൽ ബാഹുലേയനായാണ് (61) മരിച്ചത്. വ്യാഴാഴ്ച ജോലി കഴിഞ്ഞ് മടങ്ങിയെത്തി വീട്ടിൽ വിശ്രമിക്കുന്നതിനിടെ കുഴഞ്ഞു വീഴുകയായിരുന്നു. ഉടൻ ആലപ്പുഴ മെഡിക്കൽ കോളജ് ആശുപത്രിയിലെത്തിച്ചെങ്കിലും രക്ഷിക്കാനായില്ല. ഭാര്യ: ഗീത. മക്കൾ: വൈശാഖ്, വർഷ. മരുമക്കൾ: ചിഞ്ചു, സുമേഷ്.
