പാലക്കാട്: തേങ്കുറുശ്ശി മന്ദത്തുകാവിൽ ബൈക്കുകൾ കൂട്ടിയിടിച്ച് പരിക്കേറ്റ യുവാവ് മരിച്ചു. പെരുവെമ്പ് തണ്ണിശ്ശേരി കമ്മാന്തറ വീട്ടിൽ പരമേശ്വരന്റെ മകൻ സജേഷ് (30) ആണ് മരിച്ചത്. ബുധനാഴ്ച വൈകീട്ട് സജേഷ് സഞ്ചരിച്ച ബൈക്ക് മറ്റൊരു ബൈക്കുമായി കൂട്ടിയിടിക്കുകയായിരുന്നു. സാരമായി പരിക്കേറ്റ സജേഷിനെ കണ്ണാടിയിലെ സ്വകാര്യ ആശുപത്രിയിലും തുടർന്ന് തൃശൂർ മെഡിക്കൽ കോളജ് ആശുപത്രിയിലും പ്രവേശിപ്പിച്ചെങ്കിലും കഴിഞ്ഞ ദിവസം മരിച്ചു. മാതാവ്: ഭാർഗവി. സഹോദരങ്ങൾ: ഗണേശ്, ശരവണൻ, ഗിരീഷ്, സുജീഷ്, സജീഷ്, സുജിത.
