വണ്ണപ്പുറം: യു.ഡി.എഫ് യോഗത്തിനിടെ കുഴഞ്ഞുവീണ് കോൺഗ്രസ് നേതാവും ആദ്യകാല പത്ര ഏജന്‍റുമായ കാളിയാർ തെള്ളിയാങ്കൽ ടി.വി. ജോർജ് (78) മരിച്ചു. ബ്ലോക്ക് പഞ്ചായത്തിലേക്ക് നടക്കുന്ന ഉപതെരഞ്ഞെടുപ്പ് കൺവെൻഷനിടെ വെള്ളിയാഴ്ച വൈകീട്ട് 5.30നാണ് സംഭവം. ഇപ്പോൾ ഡി.സി.സി മെംബറാണ്. ദീർഘകാലം കോൺഗ്രസ് കോടിക്കുളം മണ്ഡലം പ്രസിഡൻറായിരുന്നു. വിവിധ പത്രങ്ങളുടെ ഏജൻറായും വർഷങ്ങളോളം പ്രവർത്തിച്ചിരുന്നു. ഭാര്യ: എൽസി ദർഭത്തൊട്ടി ആടുകുഴിയിൽ കുടുംബാംഗം. മക്കൾ: ജോബി (യു.കെ), ജയലേഷ്. മരുമക്കൾ. ടെൻസി, അനു. സംസ്കാരം പിന്നീട്.
