രണ്ടുപേർക്ക് പരിക്ക്
പറവൂർ: ദേശീയപാത 66ൽ മൂത്തകുന്നത്ത് സ്കൂട്ടറിൽ ലോറിയിടിച്ച് യുവാവ് മരിച്ചു. തിരുവനന്തപുരം പൊങ്ങംമൂട് കല്ലുപെറ്റ വീട്ടിൽ രഞ്ജിത്താണ് (30) മരിച്ചത്. ഒപ്പമുണ്ടായിരുന്ന രണ്ടുപേർക്ക് പരിക്കേറ്റു. ഗുരുതര പരിക്കേറ്റ രതീഷിനെ (28) എറണാകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. ചിറയിൻകീഴ് കായിക്കര എറത്ത് കടപ്പുറം വിശാഖിന്റെ (26) പരിക്ക് ഗുരുതരമല്ല. തൃശൂരിൽനിന്ന് തിരുവനന്തപുരത്തേക്ക് പോകുകയായിരുന്നു ഇവർ. മിക്സർ മെഷീൻ കയറ്റി എതിരെ വന്ന ലോറിയിലാണ് ഇടിച്ചത്.
