കാഞ്ഞിരപ്പള്ളി: കാഞ്ഞിരപ്പള്ളിയിൽ ഓട്ടോയിൽനിന്ന് തെറിച്ചുവീണ് 10 വയസ്സുകാരിക്ക് ദാരുണാന്ത്യം. തുമ്പമട മുണ്ടക്കൽ മനോജിന്‍റെ മകൾ നിരഞ്ജനയാണ് മരിച്ചത്. ബന്ധുവിന്‍റെ വീട്ടിൽ പോയി മടങ്ങി വരുംവഴിയാണ് അപകടം. കുടുംബം സഞ്ചരിച്ച ഓട്ടോ റോഡരികിലെ കല്ലിൽ കയറി നിയന്ത്രണം വിടുകയും ഡോർ തുറന്ന് കുട്ടി റോഡിലേക്ക് തെറിച്ച് വീഴുകയുമായിരുന്നു. റോഡിൽ തലയടിച്ച് വീണ കുട്ടിയെ ഉടൻ കാഞ്ഞിരപ്പള്ളിയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരിച്ചു.
