കൂറ്റനാട്: നായ്ക്കൾ കുറുകെ ചാടിയതിനെ തുടർന്ന് ബൈക്ക് മറിഞ്ഞുണ്ടായ അപകടത്തിൽ പരിക്കേറ്റ് ചികിത്സയിലിരുന്ന യുവാവ് മരിച്ചു. പട്ടാമ്പി കരിമ്പുള്ളി അൽസഫാ മൻസിലിൽ മുജീബാണ് (39) മരിച്ചത്. കൂറ്റനാട്ട് വെച്ചായിരുന്നു അപകടം. പെരിന്തൽമണ്ണയിലെ സ്വകാര്യ ആശുപത്രിയിലാണ് മരിച്ചത്. തുടർനടപടികൾക്കു ശേഷം മൃതദേഹം വീട്ടുകാർക്ക് വിട്ടുനൽകും. ഭാര്യ: ഫാത്തിമ. മക്കൾ: ഫാരിസ്, സഫ ഫാത്തിമ, മിസ്ബ ഫാത്തിമ.
