മണിമല: വാഹനാപകടത്തിൽ പരിക്കേറ്റ് ചികിത്സയിലിരുന്ന യുവാവ് മരിച്ചു.
പള്ളിക്കത്തോട് ആനിക്കാട് മുക്കാലി മണലേൽ സലോമിയുടെ മകൻ എം. അനീറ്റാണ് (32) മരിച്ചത്. അനീറ്റും സുഹൃത്ത് സുജിത്തും സഞ്ചരിച്ച ബൈക്ക് കഴിഞ്ഞ ഞായറാഴ്ച രാത്രി പുനലൂർ-മൂവാറ്റുപുഴ സംസ്ഥാനപാതയിൽ മണിമലക്ക് സമീപം വള്ളവശ്ശേരി പടിയിൽ കാറുമായി കൂട്ടിയിടിക്കുകയായിരുന്നു.
ഇരുവരും മെഡിക്കൽ കോളജ് ആശുപത്രിയിൽ ചികിത്സയിലായിരുന്നു.
സംസ്കാരം വ്യാഴാഴ്ച രാവിലെ പത്തിന് ചേപ്പുംപാറ പൊതുശ്മശാനത്തിൽ.
